მარნეულის N5 საჯარო სკოლის მოსწავლეები პედაგოგთა ხელმძღვანელობით საინტერესო და მრავალფეროვან ღონისძიებებში აქტიურად ერთვებიან.
ამჯერად, ისინი სახალხო დღესასწაულში „შოთაობა-2023“ მონაწილეობდნენ, რომელიც ადგილობრივი თვითმმართველობის ორგანიზებით, მარნეულის კულტურის ცენტრის დარბაზში ჩატარდა.
დღესასწაულის ფარგლებში სხვადასხვა გასართობი და შემეცნებითი აქტივობა განხორციელდა, რომელშიც ბავშვები დიდი ინტერესით მონაწილეობდნენ.
მოსწავლეებმა, ქართული ენისა და ლიტერატურის მასწავლებლის - ეკა იაკობაშვილის ხელმძღვანელობით, ღონისძიებაზე პერფორმანსი - „აფორიზმები-ვეფხისტყაოსნიდან“ წარადგინეს.
მოსწავლეებმა „ვეფხისტყაოსნის“ გმირების როლები მოირგეს და შემოქმედები უნარები შესანიშნავად წარმოაჩინეს.
აღსანიშნავია, რომ მსგავსი აქტივობები მოსწავლეთა მოტივაციის ამაღლებასა და სასწავლო პროცესში ჩართულობის გაზრდას ხელს უწყობს, რაზეც სასკოლო საზოგადოება ზრუნავს.
იხილეთ ფოტოები:
