მარნეულის N6 საჯარო სკოლაში, კულტურული მრავალფეროვნების ფარგლებში საინტერესო ღონისძიება გაიმართა
20-11-2023
მარნეულის N6 საჯარო სკოლაში სასწავლო წელი აქტიურად მიმდინარეობს. მოსწავლეები სხვადასხვა საინტერესო პროექტსა და აქტივობაში დიდი ენთუზიაზმით მონაწილეობენ.
ამჯერად, სკოლაში, მე-4 დ კლასის მოსწავლეებმა პროექტ „კულტურული მრავალფეროვნების“ ფარგლებში, საინტერესო ღონისძიება გამართეს.
მოსწავლეებმა დამსწრე საზოგადოებას ულამაზესი რაჭა გააცნეს, მისი მცხოვრებლების წეს-ჩვეულებების შესახებ ინფორმაციები მოიძიეს და კულტურულ მრავალფეროვნებაზე ისაუბრეს. ბავშვებმა ასევე სცენაზე მინი-სპექტაკლი წარადგინეს, იცეკვეს და აუდიტორიის დიდი მოწონება დაიმსახურეს.
აღსანიშნავია, რომ მსგავსი აქტივობები და პროექტები მოსწავლეებს ქვეყნის სხვადასხვა კუთხის წე-ჩვეულებსა და ისტორიას უკეთ აცნობს.
იხილეთ ფოტოები:
სკოლების სიახლეები
