We are tolerant - ბათუმის N30 საჯარო სკოლის მოსწავლეებმა ტოლერანტობის საერთაშორისო დღესთან დაკავშირებით კედლის გაზეთი შექმნეს
20-11-2023
ბათუმის N30 საჯარო სკოლის მოსწავლეებმა ტოლერანტობის საერთაშორისო დღე მრავალფეროვანი და საინტერესო აქტივობებით აღნიშნეს.
სკოლის VIII ბ კლასის მოსწავლეებმა, პედაგოგ ხათუნა ხინკილაძის ხელმძღვანელობით, ამ დღესთან დაკავშირებით, პრეზენტაცია გააკეთეს. მათ აღნიშნეს, რომ ყველა ადამიანი თანასწორუფლებიანია და მნიშვნელოვანია საზოგადოება შემწყნარებელი იყოს.
ბავშვებმა ასევე ინგლისურენოვანი კედლის გაზეთი - We are tolerant შექმნეს, სადაც ცოდნა და შემოქმედებითი უნარები წარმოაჩინეს.
აქტივობაში ისინი დიდი მონდომებით, ინტერესითა და ხალისით მონაწილეობდნენ.
ტოლერანტობის საერთაშორისო დღე 16 ნოემბერს 1995 წლიდან UNESCO-ს ინიციატივით აღინიშნება და მისი მიზანი არატოლერანტობისა და დისკრიმინაციის საფრთხეებზე საზოგადოების ცნობიერების ამაღლებაა.
იხილეთ ფოტოები:
სკოლების სიახლეები
