კასპის მუნიციპალიტეტის სოფელ ქვემო ხანდაკის საჯარო სკოლაში, პედაგოგები მოსწავლეთა ცნობიერების ამაღლებას სხვადასხვა საკითხთან დაკავშირებით დიდ ყურადღებას უთმობენ.
სწორედ ამიტომ, სკოლაში ტოლერანტობის საერთაშორისო დღე განსაკუთრებულად აღინიშნა.
„ჩვენ არ ვუწესებთ განსაკუთრებულ დღეს - მეგობრობას, სიყვარულსა და სიკეთეს, ჩვენ ტოლერანტები ვართ. ჩემმა პატარებმა დიდი სიყვარული გაუგზავნეს თანატოლებს მთელს მსოფლიოში“, - გვიყვებიან სკოლაში.
ბავშვებმა, ამ დღესთან დაკავშირებით, საინტერესო ინფორმაციები მოიძიეს. მათ აღნიშნეს, რომ ყველა ადამიანი თანასწორუფლებიანია.
მოსწავლეებმა ასევე ნახეს ანიმაციური ფილმი - „ზღარბი“ და მის გარშემო ტოლერანტობის თემა განიხილეს.
„სიყვარულით სავსე პაწია გულები სიყვარულს აფრქვევენ ყველგან“, - აღნიშნავენ სკოლაში.
შეგახსენებთ, რომ ტოლერანტობის საერთაშორისო დღე 16 ნოემბერს 1995 წლიდან UNESCO-ს ინიციატივით აღინიშნება და მისი მიზანი არატოლერანტობისა და დისკრიმინაციის საფრთხეებზე საზოგადოების ცნობიერების ამაღლებაა.
იხილეთ ფოტოები:
