ბათუმის N20 საჯარო სკოლის პედაგოგები მუდმივად ცდილობენ მოსწავლეთა ინტერესებს მორგებული საგაკვეთილო პროცესი წარმართონ და მათთვის შედეგზე ორიენტირებული გარემო შექმნან.
სწორედ ამის დასტურია, ინგლისური ენის მასწავლებლის - ნინო გუჩმანიძის საინტერესო გაკვეთილი, რომელშიც მოსწავლეები დიდი ინტერესითა და მონდომებით მონაწილეობდნენ.
დეტექტივი ჯონ კლარკი, ამინდის პროგნოზი სხვადასხვა ქვეყნებში, გაბრაზებული ალექსანდრე (ფეხბურთის მატჩის მოლოდინში) - როლური თამაშები, რომლებიც მოსწავლეებმა სამსახიობო ოსტატობით შეასრულეს და მასწავლებლის დიდი მოწონებაც დაიმსახურეს.
„ჩემი უნიჭიერესი ბავშვები! რა უნდა შესთავაზო, არ შეასრულონ?“ - ასე აფასებს პედაგოგი შემოქმედებითი უნარებით დაჯილდოვებულ მოსწავლეებს.
სკოლაში პედაგოგისა და მოსწავლეების აქტიურობით ამაყობენ და მათ წინსვლას უსურვებენ.
„მოტივირებული მასწავლებლის წარმატებული გაკვეთილი. მადლობა, ინგლისური ენის მასწავლებელს, ნინო გუჩმანიძეს და მის მოსწავლეებს“, - აღნიშნავენ სკოლაში.
იხილეთ ვიდეოები:
