„მე - ქართველი ტოლერანტი ვარ!“ - საინტერესო პროექტი კოდის საჯარო სკოლაში
17-11-2023
ვასილ ბარნოვის სახელობის თეთრიწყაროს მუნიციპალიტეტის სოფელ კოდის საჯარო სკოლაში, ტოლერანტობის საერთაშორისო დღეს საინფორმაციო კვირეული მიეძღვნა.
კვირეული -„მე - ქართველი ტოლერანტი ვარ!“, სამოქალაქო განათლების პროგრამის ფარგლებში, სამოქალაქო კლუბის წევრებმა, სკოლის თვითმმართველობასთან ერთად, ცნობიერების ამაღლების მიზნით მოაწყვეს.
როგორც სკოლაში გვიყვებიან, კვირეულის ფარგლებში სამოქალაქო კლუბის წევრებმა განახორციელეს შემდეგი აქტივობები:
- აღნიშნულ თემაზე შექმნეს ნახატები და განათავსეს სკოლის ფოიეში;
- წარმოადგინეს ესეები და პრეზენტაციები თემაზე - „მე ქართველი ტოლერანტი ვარ!“;
- სააქტო დარბაზში უყურეს ფილმს - „ნიგერიელი გოგონა თბილისში“, გამართეს დისკუსია და იმსჯელეს, რომ ტოლერანტობას ნამდვილად შეუძლია სამყარო უკეთესობისკენ შეცვალოს;
- შექმნეს ვიდეოკოლაჟი.
მოსწავლეებმა აღნიშნეს, ამ დღის მიზანი არატოლერანტული ქცევისა და დისკრიმინაციის საფრთხეებზე საზოგადოების ცნობიერების ამაღლებაა.
აღსანიშნავია, რომ კვირეულის ფასილიტატორი - ანა პაპაშვილი გახლდათ.
იხილეთ ფოტოები:
სკოლების სიახლეები
