„შემოდგომა რაჭაში“ - მრავალფეროვანი ღონისძიება წესის საჯარო სკოლაში
17-11-2023
ამბროლაურის მუნიციპალიტეტის სოფელ წესის საჯარო სკოლის მოსწავლეებმა შემოდგომის სიუხვე და მრავალფეროვნება ღონისძიებაზე წარმოადგინეს.
15 ნოემბერს, სკოლაში ჩატარდა საშემოდგომო ღონისძიება სახელწოდებით - „შემოდგომა რაჭაში“.
ღონისძიება მოამზადეს მუსიკის მასწვლებელმა ირინე მუსერიძემ და დაწყებითი კლასის პედაგოგმა - ნათელა ნატმელაძემ.
ღონისძიებაზე ასევე მოეწყო ნახატების გამოფენა - „შემოდგომა“, ხელოვნების მასწავლებლის ინგა მელაშვილის ხელმძღვანელობით.
მოსწავლეებმა წაიკითხეს ლექსები, შეასრულეს სიმღერები. ღონისძიების ბოლოს საზეიმო განწყობით ჩურჩხელები ამოავლეს.
აღსანიშნავია, რომ წესის საჯარო სკოლის პედაგოგები მოსწავლეებს სასწავლო პროცესის გამრავალფეროვნების მიზნით როგორც შემეცნებით-საგანმანათლებლო, ისე საზეიმო ღონისძიებებს აქტიურად სთავაზობენ.
იხილეთ ფოტო:
სკოლების სიახლეები
