ტყიბულის მუნიციპალიტეტის სოფელ მუხურის საჯარო სკოლის მოსწავლეები არაფორმალური განათლების პროექტებში აქტიურად არიან ჩართულნი.
ამჯერად, სკოლამ მონაწილეობა მიიღო, შემეცნებით-საგანმანათლებლო პროექტის „ტვინების ბრძოლა“ შიდასასკოლო კონკურსში.
ინტელექტუალური თამაშის მიმდინარეობას სკოლაში პედაგოგი ირაკლი გაბრიჭიძე ხელმძღვანელობდა.
როგორც სკოლაში გვიყვებიან, პროექტის ფარგლებში განხორციელდა ორი აქტივობა: 1. შეჯიბრი ჭადრაკში 2. ინტელექტტური - „რა? სად? როდის“.
პროექტის განხორციელებაში ჩართული იყო სკოლის მოსწავლეთა თვითმმართველობა.
ინტელექტუალური თამაშის მონაწილეები სამახსოვრო სიგელებით დაჯილდოვდნენ.
აღსანიშნავია, რომ სკოლაში მოზარდების ლოგიკური აზროვნების განვითარებასა და არაფორმალური მეთოდებით განათლების დონის ამაღლებაზე აქტიურად ზრუნავენ.
იხილეთ ფოტოები:
