ბაღდათის N1 საჯარო სკოლაში სასწავლო წელი საინტერესოდ და აქტიურად მიმდინარეობს. პედაგოგთა ხელმძღვანელობითა და მოსწავლეთა ჩართულობით, სკოლაში, მრავალფეროვანი აქტივობები ტარდება.
ამჯერად, სკოლის მე-5 კლასში, პედაგოგ ნუკრი კარკაძის ხელმძღვანელობით, საინტერესო, მრავალფეროვანი სახის აქტივობა ჩატარდა.
„მოსწავლემ მითხრა: „მას! „მოცარტის“ შოკოლადი თუ არსებობს, ქართული „ყვითელი ფოთლები“ რატომ არ არსებობსო?“, - გვიყვება მასწავლებელი.
სწორედ ამ სიტყვების შემდგომ განხორციელდა კლასში სახალისო აქტივობა, სადაც მოსწავლეებმა გია ყანჩელის კომპოზიციის შთაგონებით, შოკოლადი მოადუღეს და ჩამოასხეს.
აღნიშნულ დღეს მათ საჭირო უნარები გამოავლინეს და დრო ნაყოფიერად გაატარეს.
ეს დღე მოსწავლეთათვის საინტერესო და დასამახსოვრებელი იყო.
პედაგოგი კლასის დამრიგებელ ლია ტყემალაძესა და მისი მე-5 კლასის ბავშვებს მადლობას უხდის აღნიშნულ აქტივობაში ასეთი ჩართულობისთვის.
სკოლაში, მოსწავლეთა მოტივაციის ამაღლებასა და მათი უნარების განვითარებას სხვადასხვა საკითხთან დაკავშირებით დიდი ყურადღება ეთმობა.
იხილეთ ფოტოები:
