ახმეტის N1 საჯარო სკოლის მოსწავლეები გერმანულ ენას ხალისითა და ინტერესით ეუფლებიან და გერმანული ენის პედაგოგის იამზე ბასილაშვილის დახმარებით ხარისხიანი ცოდნის მიღებით საკუთარ მომავალზე ზრუნავენ.
8 ნოემბერს, თელავში, ი. გოგებააშვილის სახელობის სახელმწიფო უნივერსიტეტში გერმანიის ფედერაციული რესპუბლიკის ელჩის მოადგილის, ტანია ჰუტის ორგანიზებით ჩატარდა ღონისძიება - „გერმანული დიდებისა და პატარებისათვის“, რომელშიც მონაწილეობდნენ ახმეტის N1 საჯარო სკოლის მოსწავლეები, მშობლები და გერმანული ენის პედაგოგი იამზე ბასილაშვილი.
მრავალფეროვანმა პროგრამამ შესაძლებლობა მისცა მოსწავლეებს ესაუბრათ გერმანულ ენაზე საელჩოს წარმომადგენლებთან.
როგორც სკოლაში გვიყვებიან, განსაკუთრებით საინტერესო იყო მათი საქმიანი საუბარი ელჩის მოადგილესთან გერმანიაში სწავლის გაგრძელების საკითხებზე.
„მშობლები და მოსწავლეები უფრო მეტად დარწმუნდნენ, რომ გერმანული ენა მათ ცხოვრებაში დიდი შანსია“,-დასძენენ სკოლაში.
იხილეთ ფოტო:
