„საკლასო ოთახის კარის საუკეთესო გაფორმება“ - დაბა კაზრეთის N2 სკოლაში სახალისო კონკურსი ჩატარდა
16-11-2023
ბოლნისის მუნიციპალიტეტის დაბა კაზრეთის N2 საჯარო სკოლაში სასწავლო წელი აქტიურად მიმდინარეობს. პედაგოგები მოსწავლეებს მრავალფეროვან და საინტერესო აქტივობებს სთავაზობენ, რომლებშიც ისინი დიდი მონდომებით ერთვებიან.
ამჯერად, სკოლაში „მათემატიკის დღესასწაული“ მოეწყო, რომლის ფარგლებშიც კონკურსი - „საკლასო ოთახის კარის საუკეთესო გაფორმება“ ჩატარდა.
მოსწავლეებმა შემოქმედებითი უნარები, შესაძლებლობები წარმოაჩინეს და დრო ნაყოფიერად გაატარეს. კონკურსში IXა კლასმა გაიმარჯვა, რომლის დამრიგებელი დალი დალაქიშვილი გახლავთ, პედაგოგები კი - ნანა ბასილაშვილი და ჟანა რაზმაძე.
ეს დღე საინტერესო და დასამახსოვრებელი იყო როგორც მოსწავლეთა, ასევე პედაგოგთათვის.
აღსანიშნავია, რომ მსგავსი აქტივობები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
სკოლების სიახლეები
