ჭიათურის მუნიციპალიტეტის სოფელ ითხვისის N1 საჯარო სკოლაში, პროექტის- „ვიცნობდეთ ჩვენი ქვეყნის ეროვნულ კულტურას“, შემაჯამებელი პრეზენტაცია მოეწყო.
როგორც სკოლაში გვიყვებიან, აღნიშნულ პროექტში ჩართულნი იყვნენ მე-8 კლასის მოსწავლეები, მათ შეაჯამეს პროექტის ფარგლებში მოწყობილი აქტივობები და პრეზენტაცია საინტერესოდ წარადგინეს.
აღსანიშნავია, რომ პროექტის ფარგლებში, მოსწავლეები გაეცნენ ქართული გალობის ნიმუშებს, საერო და სასულიერო მოღვაწეების შემოქმედებით გზას. ასევე, შეძლეს ლექსების გამომსახველობით წაკითხვა.
პროექტის მონაწილეებმა მოინახულეს ქუთაისი, ქართული კულტურის ერთ-ერთი უმნიშვნელოვანესი ცენტრი, პოეზიისა და ხელოვნების კერა.
აღსანიშნავია, რომ გელათის აკადემიაში, მოსწავლეებმა, გალობის ფონზე, მხატვრულად წაიკითხეს ლექსები დავით აღმაშენებელზე.
ბავშვებს მიეცათ საშუალება წარმოეჩინათ თავიანთი შესაძლებლობები. მოსწავლეებმა შეძლეს მსმენელზე ემოციური ზეგავლენის მოხდენა და დადებითი შეფასებაც დაიმსახურეს.
პროექტის შემაჯამებელმა პრეზენტაციამ სასკოლო საზოგადოების მოწონება დაიმსახურა, მოსწავლეებმა მსგავს პროექტებში ჩართულობის სურვილი გამოთქვეს.
იხილეთ ფოტოები:
