საგარეჯოს მუნიციპალიტეტის სოფელ მანავის საჯარო სკოლაში, საპილოტე პროექტი განხორციელდა, სახელწოდებით - „ექიმის საათი“.
პროექტი lllბ კლასში, დამრიგებლის - ანა რცხილაძე და სკოლის ექიმის - მაია ოზგელდაშვილის ხელმძღვანელობით, ერთი თვის განმავლობაში მიმდინარეობდა.
როგორც სკოლაში გვიყვებიან, პილოტირებული პროექტი - „ექიმის საათი“, გაეროს მოსახლეობის ფონდის და საინფორმაციო, სამედიცინო-ფსიქოლოგიური ცენტრის „თანადგომის“ მიერ განხორციელდა.
პროექტი ეხებოდა მეტად აქტუალურ და სასიცოცხლოდ მნიშვნელოვან თემებს: „ჯანმრთელობა“, „ურთიერთობები“, „უსაფრთხოება“ და „თანასწორობა“.
აღსანიშნავია, რომ საგაკვეთილო პროცესი მრავალფეროვანი და ბავშვებისთვის სახალისო აქტივობებით იყო დაგეგმილი და მშობლების აქტიური ჩართულობით, ასევე სკოლის დირექციის, ტრენერების - ირმა შველიძის, მაია საგინაშვილის, ხათუნა ხაჟომიას და ქეთევან ჭელიძის მხარდაჭერით განხორციელდა.
როგორც სკოლაში აღნიშნავენ, ბავშვების და მშობლების მხრიდან უკუკავშირის მიხედვით პროექტი მეტად საინტერესო, აქტუალური და საჭირო აღმოჩნდა.
იხილეთ ფოტოები:
