ახალქალაქის მუნიციპალიტეტის სოფელ კიროვაკანის საჯარო სკოლაში სასწავლო წელი აქტიურად მიმდინარეობს. პედაგოგები ბავშვებს სხვადასხვა მნიშვნელოვან საკითხთან დაკავშირებით საინტერესო აქტივობებს სთავაზობენ.
ამჯერად, სკოლის მე-12 კლასში რუსული ენის მასწავლებელმა - ლილით ენგიბარიანმა საინტერესო გაკვეთილი თემაზე - „არა - ნარკოტიკს!“ ჩაატარა.
როგორც სკოლაში აღნიშნავენ, გაკვეთილი დატვირთული იყო საინფორმაციო აქტივობებით.
მოსწავლეებმა ისაუბრეს, იმსჯელეს იმ უარყოფით შემთხვევებსა და შედეგებზე, რაც შეიძლება გამოიწვიოს ნარკოტიკის მოხმარებამ.
„ბავშვები საბოლოოდ შეთანხმდნენ, რომ ნარკოტიკის გამოყენება, ერთ-ერთი მავნე ჩვევაა, რომელიც გავრცელებულია, როგორც მოზარდებში, ასევე ზრდასრულებში“, - გვიყვებიან სკოლაში.
აღნიშნულ საკითხთან დაკავშირებით, მეთორმეტეკლასელებმა თავიანთი პოზიცია დააფიქსირეს, შექმნეს პოსტერი, რომლითაც სხვებსაც მოუწოდეს: „არა ნარკოტიკს!“
აღსანიშნავია, რომ მსგავსი აქტივობები და გაკვეთილები მოსწავლეთა მრავალხმრივ განვითარებას ხელს უწყობს.
იხილეთ ფოტოები:
