ქარელის მუნიციპალიტეტის სოფელ მოხისის და კეხიჯვარის საჯარო სკოლებში, დიდი ყურადღება ეთმობა სკოლებს შორის თანამშრომლობითი კულტურისა და მეგობრულ დამოკიდებულების ჩამოყალიბებას.
სწორედ ამ მიზნით, ორივე სკოლა აქტიურადაა ჩართული სამოქალაქო განათლების პროგრამაში, რომლის ფარგლებშიც, გაიმართა ლიდერი და მეგობარი სკოლების შეხვედრა.
აღსანიშნავია, რომ შეხვედრას კეხიჯვარის საჯარო სკოლამ უმასპინძლა და მას, პირველად ესწრებოდა მოხისის საჯარო სკოლის საბაზო საფეხურის თვითმმართველობის თავმჯდომარე, VII კლასის მოსწავლე გიორგი ელიაშვილი.
შეხვედრაზე, გიორგი მეგობარი სკოლების საინტერესო გამოცდილებას გაეცნო. შეხვედრაში ასევე აქტიურად მონაწილეობდა საშუალო საფეხურის თვითმმართველობის თავმჯდომარე - ცირა ღვალაძე.
შეხვედრის ბოლოს, დაიგეგმა ერთობლივი პროექტი, რომელიც ისევ თანამშრომლობით ურთიერთობას დაეყრდნობა.
სკოლებში, წარმატებებს უსურვებენ მოსწავლეებს და მათ საინტერესო საქმიანობას.
იხილეთ ფოტოები:
