ლიის თემის N2 საჯარო სკოლის დაწყებითი კლასების მოსწავლეები ტერენტი გრანელის სახლ-მუზეუმს ესტუმრნენ
წალენჯიხის მუნიციპალიტეტის ლიის თემის N2 საჯარო სკოლის მოსწავლეებისთვის არაერთი საინტერესო აქტივობა იმართება.
ამჯერად, დაწყებითი კლასების კათედრის ორგანიზებით, გასვლითი ღონისძიება - „ცოდნა სინათლეა“ - „გამოჩენილი ადამიანები, წიგნსაცავი და მუზეუმი“ გაიმართა.
მის ფარგლებში მე-2, მე-3, მე-4 კლასების მოსწავლეები კლასის დამრიგებლების - ლანა კაკაჩიასა და თამილა ჭაჭუას ხელმძღვანელობით, ტერენტი გრანელის სახლ-მუზეუმს სტუმრობდნენ. ისინი აქტივობაში მონდომებით ჩაერთნენ, მოსწავლეებმა პოეტის სახლი, ნივთები და ნახატები დაათვალიერეს.
აღსანიშნავია, რომ მათ დარბაზში პოეტის ლექსები გააჟღერეს. გასვლითმა ღონისძიებამ დიდი წარმატებით ჩაიარა.
იხილეთ ფოტოები: