თბილისის N173 საჯარო სკოლას ბაღის აღსაზრდელები სტუმრობდნენ
13-11-2023
ვახტანგ გზირიშვილის სახელობის თბილისის N173 საჯარო სკოლამ, ბაღის აღსაზრდელებს უმასპინძლა.
პატარების ჯგუფი - „მერცხალი“, სკოლას დიდი ჟრიამულითა და ზარ-ზეიმით ესტუმრა, მათ მოსწავლეები და მასწავლებლები ხალისით შეეგებნენ და სასკოლო ექსკურსია ჩაუტარეს.
ვიზიტის მთავარი თემა - „მასწავლებელი“, გახლდათ, პატარები სკოლის მასწავლებლებს გაეცნენ, საგაკვეთილო პროცესი იხილეს და მასწავლებლის საქმიანობას უფრო ახლოდან გაეცნენ.
აღსანიშნავია, რომ დღე ემოციებით დატვირთული, შთამბეჭდავი და დასამახსოვრებელი აღმოჩნდა, როგორც სტუმრებისთვის, ასევე მასპინძლებისთვის.
იხილეთ ვიდეო:
სკოლების სიახლეები
