ნინოწმინდის მუნიციპალიტეტის სოფელ განძის N2 საჯარო სკოლაში მოსწავლეთა შემოქმედებითი უნარების წარმოჩენასა და განვითარებას მნიშვნელოვანი ყურადღება ექცევა. სწორედ ამიტომ, მათი ჩართულობითა და პედაგოგთა ხელმძღვანელობით საინტერესო აქტივობები ეწყობა.
ამჯერად, სკოლაში, ხელოვნების მასწავლებელმა - ვანიკ თევანიანმა ნახატების გამოფენა სახელწოდებით „ოქროს შემოდგომა“ მოაწყო, სადაც წარმოდგენილი იყო შემოდგომის ამსახველი ნახატები.
გამოფენაში მონაწილეობდნენ მოსწავლეები, მე-4-დან მე-7 კლასის ჩათვლით. „მათ შემოდგომის ულამაზესი და ფერადი ბუნება დახატეს. ირგვლივ შემოდგომის სუნთქვა იყო, კაშკაშა ფერებითა და საინტერესო ნამუშევრებით“, - აღნიშნავენ სკოლაში.
მოსწავლეებმა შემოქმედებითი უნარები და ნიჭი შესანიშნავად წარმოაჩინეს და სასკოლო საზოგადოების დიდი მოწონება დაიმსახურეს.
აღსანიშნავია, რომ მსგავსი აქტივობები მოსწავლეთა მოტივაციის ამაღლებას ხელს უწყობს.
იხილეთ ფოტო-ვიდეომასალა:
