ზუგდიდის მუნიციპალიტეტის სოფელ ჯუმის საჯარო სკოლაში მოსწავლეთა შემოქმედებითი უნარების წარმოჩენასა და განვითარებას მნიშვნელოვანი ყურადღება ექცევა. სწორედ ამიტომ, პედაგოგები მათ მრავალფეროვან აქტივობებსა და ღონისძიებებს სთავაზობენ.

ამჯერად, სკოლაში შემოდგომის ფესტივალი ჩატარდა, რომელშიც მოსწავლეები დიდი მონდომებითა და ინტერესით ჩაერთნენ.

მოსწავლეებმა პედაგოგთა დახმარებით, სკოლის ეზო ლამაზად, შემოდგომის ნობათით მოაწყვეს, რამაც მათი განწყობა კიდევ უფრო აამაღლა.

მათ ასევე შემოდგომაზე ლექსები წაიკითხეს და შემოქმედებითი უნარები წარმოაჩინეს.

ეს დღე იქ მყოფი თითოეული ადამიანისთვის საინტერესო, დასამახსოვრებელი და ნაყოფიერი იყო.

აღსანიშნავია, რომ მსგავსი აქტივობები მოსწავლეთა შემოქმედებით უნარებს ავითარებს.

იხილეთ ფოტოები: