ოტია იოსელიანის სახელობის წყალტუბოს N1 საჯარო სკოლის პედაგოგები მოსწავლეთა მოტივაციის ამაღლებისა და საგაკვეთილო პროცესის გამრავალფეროვნების მიზნით, საინტერესო აქტივობებს ატარებენ.
ამჯერად, I ა კლასში „საყვარელი სათამაშოს დღე“ მოეწყო. პირველკლასელებმა სკოლაში თავიანთი საყვარელი სათამაშოები მიიტანეს, რომლებიც ერთმანეთს „გააცნეს“. ბავშვებმა გაიხსენეს მათთან დაკავშირებული საინტერესო ისტორიები და როგორც სკოლაში აღნიშნავენ, პრეზენტაციის უნარები გაიუმჯობესეს.
„აქ ყოველი დღე განსხვავებულია“, - გვიყვებიან სკოლაში.
აღნიშნულმა აქტივობამ მოსწავლეები გაახალისა და განწყობა აუმაღლა.
ეს დღე მოსწავლეთათვის საინტერესო, დასამახსოვრებელი და ემოციებით აღსავსე იყო.
აღსანიშნავია, რომ მსგავსი აქტივობები მოსწავლეთა საგაკვეთილო პროცესში ჩართულობასა და მოტივაციის ამაღლებას უწყობს ხელს.
იხილეთ ფოტოები:
