ლენტეხის მუნიციპალიტეტის სოფელ ჩოლურის საჯარო სკოლაში სასწავლო წელი აქტიურად მიმდინარეობს. პედაგოგები მოსწავლეებს საგაკვეთილო პროცესის გამრავალფეროვნებისა და მოტივაციის ამაღლების მიზნით, საინტერესო გასვლით აქტივობებს სთავაზობენ.
ამჯერად, სკოლის VIII-IX-XI კლასების მოსწავლეებმა, პედაგოგ თინა მუკბანიანთან ერთად ალპინიადის ფარგლებში, მარშუტი დაგეგმეს, რომლის მიზანიც, როგორც სკოლაში აღნიშნავენ, იყო გეოგრაფიული კვლევა-ანალიზი და მდგრადი განვითარება.
მოსწავლეებმა აღნიშნულ დღეს ტოპოგრაფიული რუკა შეადგინეს. გაანალიზეს მომავალში ეკოსისტემის შესაძლო ცვლილებები და მთა მუწი დალაშქრეს.
აქტივობებში ბავშვები დიდი მონდომებით, ინტერესითა და ხალისით მონაწილეობდნენ.
აღსანიშნავია, რომ მსგავსი გასვლითი აქტივობები მოსწავლეთა მოტივაციის ამაღლებასა და მრავალმხრივ განვითარებას უწყობს ხელს.
იხილეთ ფოტო-ვიდეომასალა:
