ზემოხეთის საჯარო სკოლის მე-5 კლასის მოსწავლემ მოთხრობის - „ბიჭი და ძაღლი“ ალტერნატიული დასასრული შექმნა
09-11-2023
ჩოხატაურის მუნიციპალიტეტის სოფელ ზემოხეთის საჯარო სკოლაში მოსწავლეთა შემოქმედებითი უნარების წარმოჩენას მნიშვნელოვანი ყურადღება ექცევა. სწორედ ამიტომ, ბავშვები მეტ ინტერესს გამოხატავენ სწავლის მიმართ, მოტივაცია უმაღლდებათ და საინტერესო შემოქმედებით პროდუქტსაც ქმნიან.
ერთ-ერთი ასეთი საინტერესო და შემოქმედებითი აქტივობა მე-5 კლასის მოსწავლემ, ანუკი ნიკოლაიშვილმა განახორციელა.
მან, არჩილს სულაკაურის მოთხრობის -„ბიჭი და ძაღლი“ ალტერნატიული დასასრული შექმნა და სასკოლო საზოგადოებას საინტერესო ანიმაციური ფილმი შესთავაზა.
„ბავშვები სევდიანი დასასრულის გამო განიცდიან. სწორედ ამიტომ, მე მათ შევთავაზე ამ მოთხრობის ბედნიერი დასასრული“, - ამბობს მოსწავლე.
მსგავსი აქტივობები მოსწავლეთა კრეატიულობას ავლენს და მათ მრავალმხრივ ავითარებს.
იხილეთ ვიდეო:
სკოლების სიახლეები
