ქართულ-ევროპული სკოლა „ორნატის“ მოსწავლეები საქართველოს ეროვნულ ინტელექტ-ჩემპიონატ „ეტალონში“ დიდი მონდომებით, ინტერესითა და ხალისით ჩაერთნენ.
კონკურსის პირველ ეტაპში მონაწილეობდნენ მოსწავლეები - ლიზი ხუსკივაძე, მათე ხოშიაშვილი, თამარ ბოლქვაძე, თათია ვარდუკაძე, ნიკოლოზ ცინცაძე, ელენე ხუსკივაძე, ნინო ძიგანიძე, გიორგი შალამბერიძე, გიორგი ღავთაძე, ანი კურტანიძე, ტატულა ჭულუხაძე, ბარბარე კაპანაძე და ლიზი ბუსკივაძე. თითოეულმა მოსწავლემ „ეტალონის“ სპეციალური სახელობითი ონლაინ სიგელი დაიმსახურა.
მათგან ერთი - მე-8 კლასის მოსწავლე ბარბარე კაპანაძე მეორე ეტაპზე გადავიდა და „ეტალონის“ ოქროს სიგელი მიენიჭა.
შეგახსენებთ, რომ კონკურსის პირველი ეტაპის შედეგების მიხედვით შეირჩნენ მოსწავლეები, რომლებიც ერთმანეთს მეორე ეტაპზე მუნიციპალიტეტის „ეტალონი მოსწავლის“ ტიტულისთვის შეეჯიბრნენ.
საქართველოს ეროვნული ინტელექტ-ჩემპიონატ „ეტალონი“, ტრადიციულად, საქართველოს განათლებისა და მეცნიერების სამინისტროს მხარდაჭერით, დისტანციურ რეჟიმში მიმდინარეობს.
იხილეთ ფოტოები:
