ხულოს მუნიციპალიტეტის სოფელ უჩხოს საჯარო სკოლაში სასწავლო წელი საინტერესო აქტივობებითაა დატვირთული.

სასკოლო საზოგადოება მნიშვნელოვან თარიღებს შესაბამისად აღნიშნავს. ამიტომ, ბუნებრივია, მათი ყურადღების მიღმა არც ილია ჭავჭავაძის დაბადების დღე დარჩენილა. მოსწავლეებმა მასწავლებელ ნინო სოლომონიძის ხელმძღვანელობით, სხვადასხვა აქტივობა განახორციელეს. 

მათ ილია ჭავჭავაძე დახატეს, მისი ცხოვრებისა და მოღვაწეობის შესახებ ვრცლად ისაუბრეს, ინფორმაცია გაცვალეს და ქვეყნის წინაშე დიდი ქართველი საზოგადო მოღვაწის დამსახურებას ხაზი გაუსვეს. 

აქტივობების ნაწილი ღია ცის ქვეშ გაიმართა, მოსწავლეებმა კი ცოდნა და შესაძლებლობები წარმოაჩინეს.