წყალტუბოს მუნიციპალიტეტის სოფელ მესხეთის საჯარო სკოლაში მოსწავლეები სხვადასხვა სახის შემეცნებით და ინტელექტუალურ შეჯიბრში აქტიურად მონაწილეობენ.

სკოლაში 6-7 ნოემბერს ინტელექტუალური თამაში „ტვინების ბრძოლა“ ჩატარდა, რომელშიც III-IX კლასების მოსწავლეები ჩაერთნენ.

კონკურსი ორ ეტაპად, III-IV-V და VI-VII-VIII-IX კლასებს შორის გაიმართა.

დაწყებით კლასებში ოთხი გუნდი: „მერცხლები“, „შევარდენი“, „მართვე“, „მესხეთი“ მონაწილეობდა.

გამარჯვება კი გუნდმა - „მართვემ“ მოიპოვა.

როგორც სკოლაში გვიყვებიან, VI-IX კლასებშიც ოთხმა გუნდმა: „დიდგორი“, „ბასიანი“, „რაინდები“, „ირაო“ იასპარეზა. ამ შემთხვევაში კი გამარჯვება გუნდმა „ირაომ“ შეძლო.

ბავშვებმა თამაშში ცოდნა და შესაძლებლობები წარმოაჩინეს, დრო კი ნაყოფიერად გაატარეს.

აღსანიშნავია, რომ სკოლებში მოსწავლეთა მრავალმხრივ განვითარებას მნიშვნელოვანი ყურადღება ექცევა.

იხილეთ ფოტოები: