სენაკის მუნიციპალიტეტის სოფელ ეკის საჯარო სკოლამ წარმატებით დააკმაყოფილა ავტორიზაციის სტანდარტები და ავტორიზებული ზოგადსაგანმანათლებლო დაწესებულებების სტატუსი მოიპოვა. 

როგორც სკოლაში გვეუბნებიან, 2023 წლის 1-ელ ნოემბერს საბჭომ განიხილა სენაკის მუნიციპალიტეტის სოფელ ეკის საჯარო სკოლის ავტორიზაციის საკითხი და მხარი დაუჭირა სენაკის სოფელ ეკის საჯარო სკოლის ავტორიზაციას.

სკოლაში ახარებთ, რომ ეს მნიშვნელოვანი გამოწვევა წარმატებით გადალახეს. 

შეგახსენებთ, რომ ავტორიზაცია არის განათლების ხარისხის უზრუნველყოფის გარე მექანიზმი, რომლის მიზანია დაწესებულების ინსტიტუციური შეფასება, მისი ავტორიზაციის სტანდარტებთან შესაბამისობის დადგენა და შესაბამისი რეკომენდაციების გაცემა დაწესებულებაში დაიდენფიტიცირებული გამოწვევების გადასაჭრელად.