ჭიათურის მუნიციპალიტეტის სოფელ შუქრუთის N1 საჯარო სკოლაში ჯანსაღი ცხოვრების წესის დანერგვასა და სპორტის პოპულარიზაციას მოსწავლეებში მნიშვნელოვანი ყურადღება ექცევა. სწორედ ამიტომ, პედაგოგები მათ სხვადასხვა სპორტულ შეჯიბრებასა და აქტივობას სთავაზობენ.
ამჯერად, სკოლაში სპორტის მასწავლებელ ჯემალი ჯოხაძის ხელმძღვანელობით, სპორტულ-გასართობი ღონისძიება „მხიარული სტარტები“ ჩატარდა.
თამაში როგორც სკოლაში გვიყვებიან, შიდასასკოლო ჩემპიონატის სტატუსს ატარებდა, სადაც ერთმანეთს მოსწავლეებისგან დაკომპლექტებული ორი გუნდი „მერცხალი“ და „შევარდენი“ შეეჯიბრა.
შეჯიბრებამ, როგორც სკოლაში ამბობენ, ძალიან საინტერესოდ და ხალისიანად ჩაიარა და გუნდ „შევარდენის“ გამარჯვებით დასრულდა.
აღსანიშნავია, რომ სკოლის დირექტორმა - ზურაბ ნეფარიძემ საზეიმო ვითარებაში დააჯილდოვა გამარჯვებული გუნდის წევრები და მადლობა გადაუხადა ღონისძიების ორგანიზატორს.
მსგავსი ღონისძიებები მოსწავლეთა მრავალმხრივ განვითარებასა და მოტივაციის ამაღლებას უწყობს ხელს.
იხილეთ ფოტოები:
