წყალტუბოს N2 სკოლის მე-3 კლასის მოსწავლეებმა ოტია იოსელიანის სახლ-მუზეუმი დაათვალიერეს
07-11-2023
მამუკა სამაკაშვილის სახელობის წყალტუბოს N2 საჯარო სკოლის მე-3ა კლასის მოსწავლეებისთვის გასვლითი აქტივობა მოეწყო.
სკოლის მე-3ა კლასის მოსწავლეები ოტია იოსელიანის სახლ-მუზეუმს ესტუმრნენ და წარმოდგენილი ექსპონატები დიდი ინტერესით დაათვალიერეს.
მოსწავლეებს მუზეუმში თავმოყრილ ექსპონატებზე და მწერლის შემოქმედებაზე ესაუბრა მწერლის შვილიშვილი ოტია იოსელიანი.
როგორც სკოლაში გვიყვებიან, საინტერესოდ წარიმართა სხვადასხვა აქტივობა - „პოეზიის 5 წუთი“, არაკები, დაჩის ზღაპრები. მოსწავლეები დიდი სიყვარულითა და ხალისით კითხულობდნენ მწერლის შემოქმედებიდან ნაწყვეტებს.
აღსანიშნავია, რომ სკოლაში ხშირად მიმართავენ ექსკურსიებს, როგორც სასწავლო მეთოდს.
იხილეთ ფოტოები:
სკოლების სიახლეები
