მარნეულის მუნიციპალიტეტის სოფელ წერეთელის საჯარო სკოლაში მოსწავლეთა შემოქმედებითი უნარების წარმოჩენასა და განვითარებას მნიშვნელოვანი ყურადღება ექცევა. სწორედ ამიტომ, მათი ჩართულობით სკოლაში საინტერესო აქტივობები და ღონისძიებები იმართება.
Iგ კლასის მოსწავლეებმა, მასწავლებლის - ეთო კაპანაძის ხელმძღვანელობითა და მშობელთა ჩართულობით, ღია ცის ქვეშ ღონისძიება - „შემოდგომა სოფელში“ მოაწყვეს.
საშემოდგომო ღონისძიებაზე მოსწავლეებმა სიმღერები, ლექსები და მინი-სპექტაკლი შესანიშნავად წარადგინეს.
მათ ასევე „შემოდომის კუთხე“ მოაწყვეს, სადაც სეზონური ხილი განალაგეს.
„ბოლოს კი ჩვენმა პატარებმა პირიც ჩაიტკბარუნეს შემოდგომის ნობათით“, - გვიყვებიან სკოლაში.
მოსწავლეები აღნიშნულ დღეს ასევე ქართულ ტრადიციულ საკრავებს, ჭურჭელს, სასოფლო საქმიანობისთვის საჭირო ხელსაწყოებს გაეცნენ.
„შემოდგომა - წელიწადის ის პერიოდია, როდესაც ადამიანები ვალდებული არიან ერთმანეთს სული გაუთბონ გრძნობებითა და სიტყვებით და მაშინ არანაირი მოსალოდნელი სიცივე საშიში აღარ იქნება!“, - ასე ახასიათებენ შემოდგომას სკოლაში.
სკოლა მშობლებს აქტიური ჩართულობისთვის მადლობას უხდის.
აღსანიშნავია, რომ მსგავსი ღონისძიებები და აქტივობები მოსწავლეთა მოტივაციის ამაღლებას ხელს უწყობს.
იხილეთ ფოტოები:
