ადიგენის მუნიციპალიტეტის სოფელ ბენარის საჯარო სკოლაში მოსწავლეებს გარემოს დაცვასა და მოფრთხილებას დაწყებითი კლასებიდანვე აჩვევენ. სწორედ ამიტომ, პედაგოგები მათ გარემოსდაცვით ღონისძიებებსა და აქტივობებს სთავაზობენ.
ამჯერად, სკოლის ბუნებისმეტყველების პედადოგმა, სვეტლანა ბოჩიკაშვილმა, მე-6 კლასის მოსწავლეებთან კონკურსი თემაზე - „დავიცვათ საქართველოს სისუფთავე“ ჩაატარა.
„ვიცით შემოდგომას მოჰყვება ფოთოლცვენა, მოსახლეობა კი გაუთვითცნობიერებლად ფოთლებს წვავს, ეს კი გარემოს დაბინძურებას იწვევს. სწორედ ეს მომენტი ასახებ მოსწავლეებმა ასფალტზე ცარცით“, - გვიყვებიან სკოლაში.
აქტივობაში ბავშვები დიდი მონდომებით, ინტერესითა და ხალისით მონაწილეობდნენ.
კონკურსზე გამოვლინდა გამარჯვებული ჯგუფიც, რომელმაც დავალება შესანიშნავად შეასრულა.
მსგავსი აქტივობები მოსწავლეთა ცნობიერების ამაღლებას სხვადასხვა საკითხთან დაკავშირებით ხელს უწყობს.
იხილეთ ფოტოები:
