საქართველოს საპატრიარქოს წმიდა თამარ მეფის სახელობის გიმნაზიაში იაკობ გოგებაშვილის დაბადებიდან 183-ე წლისთავი საინტერესოდ აღინიშნა.
გიმნაზიის წმიდა ილია მართლის სახელობის V ბ კლასის მოსწავლეებმა, რომელთა დამრიგებელი მზაღო ნოძაძეა, ამ დღესთან დაკავშირებით, ციკლიდან „ქართველი მწერლები“ საინტერესო პროექტი მოამზადეს.
პროექტის პრეზენტაცია მოსწავლეებმა გიმნაზიის საკონფერენციო დარბაზში გამართეს, სადაც ერთმანეთს საინტერესო ინფორმაციები გააცნეს. მათ ასევე თემატური კედლის გაზეთი შექმნეს.
აქტივობაში მოსწავლეები დიდი ინტერესით მონაწილეობდნენ.
პროექტის ბოლო აქტივობა „სასწავლო გაჩერება“ იყო, რომლის ფარგლებშიც, ბავშვები გორის მუნიციპალიტეტის სოფელ ვარიანში, იაკობ გოგებაშვილის სახლ-მუზეუმს ესტუმრნენ.
მოსწავლეებმა იაკობ გოგებაშვილის მუზეუმი დიდი ინტერესითა და ყურადღებით დაათვალიერეს, ისინი უფრო ახლოს გაეცნენ მწერლის ცხოვრებასა და მოღვაწეობას, განიმტკიცეს ცოდნა მისი ბიოგრაფიის შესახებ.
„მეხუთეკლასელებმა პატივი მიაგეს დიდი პედაგოგისა და საზოგადო მოღვაწის ხსოვნას და მდიდარი შთაბეჭდილებებით დაბრუნდნენ დედაქალაქში“, - გვიყვებიან სკოლაში.
აღსანიშნავია, რომ მსგავსი გასვლითი აქტივობები და ექსკურსიები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
