აფხაზეთის N1 საჯარო სკოლაში პირველკლასელებმა ანბანის სწავლა საზეიმო ვითარებაში დაიწყეს.
სკოლაში, პედაგოგმა პირველკლასელებს „აი იას-ს“ შემობრძანება შთამბეჭდავ და დასამახსოვრებელ დღედ უქცია. პედაგოგმა-თეა
გაბისკირიამ ბავშვებისთვის საკლასო ოთახი საზეიმოდ მორთო და მათ მრავალფეროვანი აქტივობებით გაჯერებული გაკვეთილი შესთავაზა.
მოსწავლეები აქტივობებში დიდი ენთუზიაზმით ჩაერთნენ. ისინი ყურადღებითა და ინტერესით აკვირდებოდნენ ახალ ასო-ბგერებს და მათ მოხაზვას თავადაც დიდი მონდომებით ცდილობდნენ. მასწავლებელმა გაკვეთილზე ასევე ისაუბრა ანბანის წარმოშობასა და დედაენის შესახებ. მას ბავშვები ყურადღებით უსმენდნენ.
გაკვეთილის ბოლოს მოსწავლეებმა და პედაგოგებმა სამახსოვრო ფოტო გადაიღეს და დაჭრეს საზეიმო ტორტი.
აღსანიშნავია, რომ სკოლაში მოსწავლეთა მოტივაციის ამაღლებას მნიშვნელოვანი ყურადღება ექცევა.
იხილეთ ფოტოები:
