გარდაბნის მუნიციპალიტეტის სოფელ ჯანდარას საჯარო სკოლაში პედაგოგის როლი და ღვაწლი დაფასებულია.
სწორედ ამიტომ, სკოლაში მასწავლებლის ეროვნული დღე განსაკუთრებულად, ღონისძიებით აღინიშნა, რომელშიც სამივე საფეხურის მოსწავლეები მონაწილეობდნენ.
ბავშვებმა ღონისძიებაზე ლექსები წაიკითხეს, სხვადასხვა ნომერი შეასრულეს და შემოქმედებითი უნარები წარმოაჩინეს. მოსწავლეებმა პედაგოგებს მათ განათლებაში ჩადებული შრომისთვის მადლობა გადაუხადეს.
აღსანიშნავია, რომ ღონისძიების დასრულების შემდეგ სკოლის დირექტორმა - აშრაფ ალაზოვმა წარჩინებულ მოსწავლეებს სიგელები გადასცა.
შეგახსენებთ, რომ მასწავლებლის ეროვნული დღე საქართველოში წელს დაწესდა და ყოველწლიურად, 27 ოქტომბერს - ქართველი პედაგოგისა და საზოგადო მოღვაწის - იაკობ გოგებაშვილის დაბადების დღეს აღინიშნება.
იხილეთ ფოტოები:
