ვაკიჯვრის საჯარო სკოლის პირველკლასელებმა ანბანის სწავლა საზეიმო გაკვეთილით დაიწყეს
07-11-2023
ოზურგეთის მუნიციპალიტეტის სოფელ ვაკიჯვრის საჯარო სკოლის პირველკლასელებმა ანბანის სწავლა საზეიმოდ დაიწყეს.
მათ სასწავლო მოტივაციაზე პედაგოგმა - თამრიკო ვაშალომიძემ იზრუნა.
„მრავალი საუკუნის წინათ შეიქმნა ქართული ანბანი, რომელსაც ილია ჭავჭავაძემ მამულსა და სარწმუნოებასთან ერთად საუნჯე უწოდა. სწორედ ამ „საუნჯის“ შესწავლა დაიწყეს ჩვენმა პატარებმა.
ქართული ანბანის სიყვარულით იყო შთაგონებული 1-ლი კლასის მასწავლებლის - თამრიკო ვაშალომიძის საინტერესო, მრავალფეროვანი აქტივობებით დატვირთული გაკვეთილი“,- გვიყვებიან სკოლაში.
სადღესასწაულო განწყობას კიდევ უფრო ამაღლებდა მშობელთა ჩართულობა და შესაბამისად მორთული გარემო.
„წარმატებები თამრიკო მასწავლებელს თავის აღსაზრდელებთან ერთად“,- აღნიშნავენ სკოლაში.
იხილეთ ფოტოები:
სკოლების სიახლეები
