ოზურგეთის მუნიციპალიტეტის სოფელ ვაკიჯვრის საჯარო სკოლა, მედიაწიგნიერების კვირეულს საინტერესო აქტივობით შეუერთდა.
სკოლაში, კვირეულის ფარგლებში, მედიაწიგნიერების დღე აღინიშნა, რომელსაც IX-X - XI კლასის მოსწავლეები და მასწავლებლები ესწრებოდნენ.
როგორც სკოლაში გვიყვებიან, მედიაწიგნიერების მიმართულებით გადამზადებულმა სამოქალაქო განათლების მასწავლებელმა - თეიმურაზ მოქიამ გააკეთა საინტერესო პრეზენტაცია - ფორმალურ განათლებაში მედიაწიგნიერების ინტეგრირების, შესახებ.
მოსწავლეებმა წარადგინეს არგუმენტირებული ესეები თემაზე - „სიმართლის არსი და მისი აღმოჩენის მნიშვნელობა საზოგადოების განვითარებისთვის'“, რასაც მოყვა საინტერესო დისკუსია დამსწრე საზოგადოების მონაწილეობით.
აღსანიშნავია, რომ ასევე კინოს - „მარტო სახლში“, ჩვენება მოეწყო..
შეხვედრაზე, ასევე ჩატარდა ტესტური გამოკითხვა-როგორ დავიცვათ თავი ყალბი ინფორმაციისგან.
დღის ბოლოს კი, შეხვედრა შეაჯამა სკოლის დირექტორმა - ანა გედევანოვმა, რომელმაც მადლობა გადაუხადა მოსწავლეებსა და მასწავლებლებს კვირეულში აქტიური ჩართულობისათვის.
იხილეთ ფოტოები:
