ახალციხის მუნიციპალიტეტის სოფელ გურკელის საჯარო სკოლაში სასწავლო წლის განმავლობაში მნიშვნლოვანი თარიღები შესაბამისად აღინიშნება. 

სასკოლო საზოგადოების ყურადღების მიღმა არც იაკობ გოგებაშვილის იუბილე დარჩენილა. ამასთან დაკავშირებით, სკოლაში კვირეული გაიმართა. მოსწავლეებმა ღონისძიება - „პატარა ქვეყნის დიდი ბრძენკაცი“ გამართეს. 

მათ მასწავლებლების - ნინო მაისურაძისა და ნათია ზაზაძის დახმარებით, დედაენის წიგნი დაამზადეს. მოსწავლეები აქტივობაში დიდი მონდომებით, ინტერესითა და ხალისით ჩაერთნენ. მათ შესაძლებლობები გამოავლინეს, ცოდნა გაიღრმავეს და დრო სასიამოვნოდ გაატარეს.