აფხაზეთის N14 საჯარო სკოლაში არა მხოლოდ მოსწავლეთა განათლებაზე, არამედ მათი ჯანსაღი ცხოვრების წესითა და სპორტით დაინტერესებაზე ზრუნავენ. ამის ნათელი დასტურია ისიც, რომ დაწყებითი კლასის მოსწავლეები სასკოლო სპორტის კვირეულს აქტიურად შეუერთდნენ. სკოლაში აქტივობა - „ჯანსაღი ცხოვრება“, ფიზიკური აღზრდის და სპორტის მასწავლებლის - რუსუდან შონიას და დაწყებითი კლასის მასწავლებლის - თეა მაქაცარიას ხელმძღვანელობით გაიმართა.
მის მიმდინარეობაში მოსწავლეები უდიდესი მონდომებით, ინტერესითა და ხალისით ჩაერთნენ. მათ შესაძლებლობები გამოავლინეს, დრო ნაყოფიერად გაატარეს და ჯანსაღი ცხოვრების წესის მნიშვნელობაზეც ისაუბრეს.
„ღონისძიება იყო ძალიან სახალისო და ლამაზი. მადლობა პედაგოგებს ამ ლამაზი კვირეულისთვის“,- ამბობს სკოლის დირექტორის მ/შ ნატო ესართია.
იხილეთ ფოტოები: