ჭიათურის N2 საჯარო სკოლის პირველ კლასში ანბანის სწავლის დაწყება საზეიმოდ აღინიშნა.
მოსწავლეთა მოტივაციაზე პედაგოგმა - დალი კვანტიძემ იზრუნა და მათ მრავალფეროვანი აქტივობები და სასწავლო რესურსი შესთავაზა.
„შემოდგომის ოქროსფერი სხივები იღვრებოდა ჭიათურის მე-2 საჯარო სკოლის Iგ კლასში. ანბანის შემობრძანებას ზეიმობდნენ გამოცდილი, თბილი, მოსიყვარულე პედაგოგის - დალი კვანტიძის ჭიკჭიკა მერცხლები. ისინი ხოტბას ასხამდნენ დედაენის შემოქმედს - დიდ იაკობ გოგებაშვილს, ქართულ ანბანს. დედაენის გასაღებს - კოპწია იას დაბადების დღეც აღუნიშნეს და ვარსკვლავიც გაუხსნეს. პირველკლასელებმა ლამაზი ინსცენირებით გააცოცხლეს „აი იას“ აღმოჩენის ეპიზოდი. უფროსი მეგობრის ჩართულობით წერილი „მიიღეს“ საოცრებათა ქვეყნიდან“,- გვიყვებიან შთამბეჭდავი გაკვეთილის შესახებ სკოლაში.
პირველკლასელებმა ანბანის სწავლა დიდი ენთუზიაზმით დაიწყეს.
„პატარები სიყვარულით იხუტებდნენ გულში „დედაენას“ და ჩანდა, რომ მათ გაცისკროვნებულ თვალებში ამ დღეს ანთებული ცოდნის ლამპარი არასოდეს ჩაქრება“,- დასძენენ სკოლაში.
იხილეთ ფოტოები:
