ქობულეთის მუნიციპალიტეტის სოფელ ჩაისუბნის N2 საჯარო სკოლის მოსწავლეთა გუნდი „ეტალონის“ გუნდურ ჩემპიონატში მონაწილეობდა. 

მოსწავლეებმა შესაძლებლობები გამოავლინეს, თანატოლებს საზრიანობაში შეეჯიბრნენ და დრო ნაყოფიერად გაატარეს. ქობულეთში „ეტალონი გუნდის“ წოდებისთვის ერთმანეთს 38 გუნდი და 190 მოსწავლე ეჯიბრებოდა. ღონისძიებას „ეტალონის“ ავტორი და უცვლელი წამყვანი გოჩა ტყეშელაშვილი უძღვებოდა. 

ჩაისუბნის N2 საჯარო სკოლის მოსწავლეთა გუნდმა, რომლის კურატორიც შორენა ბერიძე იყო, ღირსეულად იასპარეზა და შესაძლებლობები გამოავლინა. მათ ჩემპიონატში მონაწილეობისთვის, სიგელი გადაეცათ.

გუნდურ ჩემპიონატს ადგილობრივი ხელისუფლების, რესურსცენტრისა და სასკოლო საზოგადოების წარმომადგენლები, განათლების, კულტურის, სპორტის, ახალგაზრდობისა და გენდერული თანასწორობის სამსახურის უფროსი ნათია ნიჟარაძე, ქობულეთის მუნიციპალიტეტის განათლების განყოფილების უფროსი  სულხან ნიჟარაძე და საგანმანათლებლო რესურსცენტრის უფროსი მადონა გოგიტიძე ესწრებოდნენ. 

იხილეთ ფოტოები: