ზუგდიდის მუნიციპალიტეტის სოფელ ალერტკარის საჯარო სკოლაში სასწავლო წელი აქტიურად მიმდინარეობს. პედაგოგები ბავშვებს მოტივაციის ამაღლებისა და საგაკვეთილო პროცესის გამრავალფეროვნების მიზნით, საინტერესო აქტივობებს სთავაზობენ.
ამჯერად, პედაგოგმა - მერაბ კვარაცხელიამ მე-7 კლასში, რომლის დამრიგებელი ნინო ჭანიაა, სასწავლო-საგანმანათლებლო პროექტი დაგეგმა, რომელიც მოიცავდა ქუთაისში ექსკურსიას.
მოსწავლეებმა მასწავლებლებთან ერთად, ექსკურსიის ფარგლებში მოინახულეს- გელათის მონასტერი, ბაგრატის ტაძარი, მოწამეთა და სათაფლია.
მათ აღნიშნული ადგილების შესახებ საინტერესო ინფორმაციები მოიძიეს და ცოდნა აიმაღლეს.
როგორც სკოლაში აღნიშნავენ, მოსწავლეები ექსკურსიიდან ემოციებითა და შთაბეჭდილებებით დატვირთულნი დაბრუნდნენ.
ეს დღე მათი სასკოლო ცხოვრებიდან ერთ-ერთი დასამახსოვრებელი აღმოჩნდა.
აღსანიშნავია, რომ მსგავსი გასვლითი აქტივობები და ექსკურსიები მოსწავლეთა მოტივაციას ამაღლებს.
იხილეთ ფოტოები:
