
წყალტუბოს N4 საჯარო სკოლაში პირველკლასელებს პედაგოგებმა ანბანის სწავლა დღესასწაულად უქციეს.
I ა და I ბ კლასის მოსწავლეებთან პედაგოგებმა პირველი საანბანო გაკვეთილები დიდი ენთუზიაზმით ჩაატარეს.
„პატარები ხალისით შეეგებნენ ანბანის შემობრძანებას. ლექსებით, მხიარული სიმღერითა და საინტერესო აქტივობებით დახუნძლულ გაკვეთილები გამოვიდა“, - გვიყვებიან სკოლაში.
როგორც სკოლაში გვეუბნებიან, ბავშვებმა „ცოდნის სამყაროში“ იმოგზაურეს, ლექსებითა და საალერსო სიტყვებით შეამკეს „დედაენა“.
„გაკვეთილზე იყო ბევრი სიხარული, გაბრწყინებული თვალები და სიახლის მოლოდინი“, - ამბობენ სკოლაში.
გაკვეთილს დაესწრო და მოსწავლეები ძალიან გაახარა სკოლის დირექტორმა - მაია ქობულია-ნუცუბიძემ, რომელმაც დიდი სიყვარულით მიულოცა „ანბანეთის“ სამეფოში მოგზაურობის დაწყება პატარებს და უსურვა წარმატებები.
გაკვეთილს ესწრებოდნენ და პირველკლასელებს ამხნევებდნენ სასწავლო ნაწილის გამგე - გურამ ჩიხლაძე, ანა შენგელია, პედაგოგები: ნათია ვარდანიძე, ქრისტინა ქუთათელაძე.
„წარმატებებს უსურვებენ დამრიგებელებს - ფიქრია კვაბზირიძესა და თინათინ ნაცვლიშვილს, მუსიკის პედაგოგს- ხათუნა იობაშვილს და ჩვენ პატარა მოგზაურებს ცოდნის ამ ვეებერთელა სამყაროში!“, - აღნიშნავენ სკოლაში.
იხილეთ ფოტოები: