ბათუმის N28 საჯარო სკოლაში სასწავლო წელი აქტიურად და საინტერესოდ მიმდინარეობს. პედაგოგები მოსწავლეებს საგაკვეთილო პროცესში ჩართვისა და მოტივაციის გაზრდის მიზნით, მრავალფეროვან აქტივობებს სთავაზობენ.
ამჯერად, სკოლის მე-3 კლასელები ბუნების გაკვეთილზე, კომპლექსურ დავალებაზე - „რატომ მოიწყინა კაკლის ხემ?“ მუშაობენ.
როგორც სკოლაში გვიყვებიან, მოსწავლეები აკვირდებიან, თუ რა გავლენას ახდენს გარემო, მცენარეების ზრდა-განვითარებაზე.
გაკვეთილის თემა - ჩემი სამშობლო გახლავთ, საკითხი - საქართველოს ფლორა, ქვესაკითხი - სიცოცხლისთვის აუცილებელი გარემო პირობები.
მათი დავალება შემდეგია: „როგორ წარმოვადგინო ჩემ მიერ შექმნილი პოსტერის საშუალებით, მცენარის ნაწილების აგებულება და დანიშნულება, სადაც ნაჩვენები იქნება ურთიერთდამოკიდებულებები მცენარის თითოეულ ნაწილს შორის. ჰავის - სეზონების გავლენა მცენარის ზრდა-განვითრებაზე“.
ბავშვები აღნიშნული საკითხით დაინტერესებულები არიან და დავალებას მონდომებით ასრულებენ.
აღსანიშნავია, რომ სკოლაში მოსწავლეთა მოტივაციისა და მრავალმხრივ განვითარებას მნიშვნელოვანი ყურადღება ექცევა.
იხილეთ ფოტოები:
