ქედის მუნიციპალიტეტის სოფელ აქუცის საჯარო სკოლაში საკუთარი საქმის პროფესიონალი, განვითარებასა და კარიერულ წინსვლაზე ორიენტირებული პედაგოგები მუშაობენ. 

მათი ხელმძღვანელობით, მოსწავლეებს არაერთი წარმატებისთვის მიუღწევიათ. ერთ-ერთი ასეთი მასწავლებელი მარიამ ბერიძეა. ის მასწავლებლის ეროვნულ დღესთან დაკავშირებით, ქედის კულტურის სახლში გამართულ ღონისძიებაზე მიიწვიეს და დააჯილდოვეს. 

სკოლაში მარიამ ბერიძის მიღწევით ამაყობენ, ულოცავენ და წინსვლას უსურვებენ. თავად მასწავლებელი კი, დაფასებისთვის, ყველას მადლობას უხდის.

„დიდი მადლობა მინდა გადავუხადო, პირველ რიგში, ქალბატონ ნონას, ჩემს კოლეგეგებს და ჩემს უსაყვარლეს მოსწავლეებს, სიყვარულისთვის, დაფასებისა და ნდობისთვის. მე თქვენ ძალიან მიყვარხართ“,- აღნიშნავს მარიამ ბერიძე.