ხელვაჩაურის მუნიციპალიტეტის სოფელ განთიადის საჯარო სკოლის მოსწავლეები სხვადასხვა ინტელექტუალურ და შემეცნებით კონკურსებში აქტიურად ერთვებიან.
სკოლის დირექტორის - ლამარა კოხრეიძის ინიციატივით, ისინი კლვავაც აქტიურად მონაწილეობდნენ გუნდური ინტელექტუალური თამაშის - „ტვინების ბრძოლის“ შემოდგომის სეზონზე.
შიდასასკოლო ტური, როგორც სკოლაში აღნიშნავენ, განსაკუთრებული ინტერესით ჩატარდა.
სკოლის მოსწავლეთათვის გამართულ გუნდურ-ინტელექტუალურ თამაშს სკოლის მასწავლებლები ორგანიზატორობდნენ.
„ერთ სივრცეში განლაგებული გუნდები პასუხობდნენ წამყვანის გაჟღერებულ შეკითხვებს. თემატიკა ზოგადი, შეკითხვები კი ლოგიკური და ანალიტიკური აზროვნების უნარზე დაფუძნებული გახლდათ“, - აღნიშნავენ სკოლაში.
ბავშვებმა კონკურსზე სწრაფი და ანალიტიკური აზროვნება წარმოაჩინეს.
აღსანიშნავია, რომ კონკურსში გამარჯვებული გუნდებიც გამოვლინდნენ, რომლებსაც სერტიფიკატები გადაეცათ.
დირექტორი - ლამარა კოხრეიძე მადლობას უხდის თამაშის ორგანიზატორებს და მასწავლებლებს - ხათუნა ჭყოიძეს, ქეთი ზოიძეს და ნ. მახარაძეს.
აღსანიშნავია, რომ სკოლაში მოსწავლეთა მრავალმხრივ განვითარებასა და ანალიტიკური აზროვნების გაუმჯობესებას მნიშვნელოვანი ყურადღება ექცევა.
იხილეთ ფოტოები:
