სამტრედიის N4 საჯარო სკოლის დაწყებითი კლასის მასწავლებელმა - ირმა გაგუამ პირველი კლასის მოსწავლეებთან ერთად, პროექტი - „აი ია, აი წიგნი“, განხორციელდა.
როგორც სკოლაში გვიყვებიან, მოსწავლეებმა იაკობ გოგებაშვილის ღვაწლზე ისაუბრეს და აღნიშნეს ის დიდ საჩუქარი, რომელიც უძღვნა პატარებს და ერის საუნჯე გახდა.
იისფრად მორთულ საკლასო ოთახში, კორდზე ახლად ამოყრილ იებს წააგავდნენ პატარები - ასე აფასებენ სკოლაში პატარებს, რომლებიც დიდი საზოგადო მოღვაწის შემოქმედებას გაეცნენ.
მოსწავლეები დიდი სიყვარულით წარმოთქვამდნენ - „აი იას“, პედაგოგი კი მათ, დიდი იაკობის სიბრძნეს უზიარებდა - „წიგნი დასაწყისიდანვე გვაზიარებს ქართული მეტყველების მუსიკას. წინადადებაში ოთხი ხმოვნის მსუბუქი, ჰაეროვანი ჰარმონია შესანიშნავ ბგერითხატს ქმნის“.
„ქართველებს სამი საფიცარი წიგნი გვაქვს: ბიბლია, ვეფხისტყაოსანი და დედაენა. დედაენა, რომელსაც ქართველმა ერმა ძეგლიც კი დაუდგა“, - ამ სიტყვებით კი დასრულდა იაკობ გოგებაშვილისადმი მიძღვნილი ღონისძიება სამტრედიის N4 საჯარო სკოლაში.
იხილეთ ვიდეო:
