ხობის მუნიციპალიტეტის სოფელ გურიფულის საჯარო სკოლაში პედაგოგების შრომა და ღვაწლი დაფასებულია და სწორედ ამიტომ, მასწავლებლის ეროვნული დღე სკოლაში განსაკუთრებულად აღინიშნა.
დაწყებითი კლასის მასწავლებელმა, ეკა გერგაიამ და მისმა მოსწავლეებმა ამ დღესთან დაკავშირებით კლასში სადღესასწაულო გარემო შექმნეს.
მოსწავლეებმა პედაგოგებს ლექსებით, სიმღერებითა და დიდი სიყვარულით მიულოცეს ეს დღე.
ბავშვებმა თავიანთი საყვარელი მასწავლებლების ღვაწლი, შრომა აღნიშნეს, რასაც მათ განათლებაში დებენ და მადლობა გადაუხადეს.
აღნიშნულ აქტივობებში მოსწავლეები დიდი ენთუზიაზმით, სიხარულითა და ხალისით მონაწილეობდნენ.
შეგახსენებთ, რომ მასწავლებლის ეროვნული დღე საქართველოში წელს დაწესდა და ყოველწლიურად, 27 ოქტომბერს - ქართველი პედაგოგისა და საზოგადო მოღვაწის - იაკობ გოგებაშვილის დაბადების დღეს აღინიშნება.
იხილეთ ფოტო-ვიდეომასალა:
