მესტიის მუნიციპალიტეტის სოფელ ნაკრის საჯარო სკოლის მოსწავლეები არაფორმალური განათლების პროექტებში დიდი ინტერესეით მონაწილეობენ და  ამის დასტურია მათი წარმატება საქართველოს ეროვნულ ინტელექტ-ჩემპიონატ „ეტალონშიც“. 

კონკურსის პირველი ეტაპი მესტიის მუნიციპალიტეტის მოსწავლეებისთვის 31 ოქტომბერს ჩატარდა. ინტელექტუალურ შეჯიბრში მუნიციპალიტეტის მე-8, მე-9, მე-10 და მე-11 კლასის მოსწავლეები ჩაერთნენ. კონკურსის თანაორგანიზატორები არიან მესტიის მუნიციპალიტეტის მერია და მესტიის საგანმანათლებლო რესურსცენტრი. 

კონკურსის პირველ ეტაპში ნაკრის საჯარო სკოლის შემდეგი 5 მოსწავლე მონაწილეობდა:

• თეკლა ვიბლიანი - VIII კლასი;
• ნინი ვიბლიანი - X კლასი;
• ეთო ცინდელიანი - IX კლასი;
• გიორგი ანსიანი - XI კლასი;
• ნიკოლოზი ვიბლიანი - IX კლასი. 

ყველა მათგანი „ეტალონის“ სპეციალური სახელობითი ონლაინ სიგელით დაჯილდოვდა. 

კონკურსის პირველი ეტაპის შედეგების მიხედვით შეირჩნენ მოსწავლეები, რომლებიც ერთმანეთს მეორე ეტაპზე მუნიციპალიტეტის „ეტალონი მოსწავლის“ ტიტულისთვის შეეჯიბრებიან. 

იხილეთ ფოტოები: