ბათუმის N8 საჯარო სკოლაში შავი ზღვის დაცვის დღესთან დაკავშირებით საინტერესო აქტივობა მოეწყო.
მე-5ზ კლასის მოსწავლეებმა, დამრიგებლის - ნანა მალაყმაძის ხელმძღვანელობით, ეს დღე საინტერესოდ აღნიშნეს, მოსწავლეებმა ამ დღის მნიშვნელობა გაიაზრეს და ისაუბრეს თუ რამდენად აუცილებელია სამოქალაქო პასუხისმგებლობა და გარემოზე ზრუნვა.
მოსწავლეებმა საკლასო ოთახი სიმბოლურად, ზღვისფერი ბუშტებით გააფორმეს და ბევრი იმხიარულეს.
როგორც სკოლაში გვიყვებიან, აქტივობამ მხიარულად და ნაყოფიერად ჩაიარა.
შეგახსენებთ, რომ 1996 წელს შავი ზღვის აუზის ექვსი ქვეყნის (უკრაინა, რუსეთი, რუმინეთი, თურქეთი, ბულგარეთი და საქართველო) წარმომადგენლებმა სტამბულში ხელი მოაწერეს შავი ზღვის დაცვის სტრატეგიულ გეგმას. 31 ოქტომბერი შავი ზღვის დაცვის დღედ გამოცხადდა. ეს თარიღი 1997 წლიდან აღინიშნება საქართველოში.
იხილეთ ფოტოები:
