თერჯოლის მუნიციპალიტეტის სოფელ ქვედა სიმონეთის N2 საჯარო სკოლაში სასწავლო წელი აქტიურად მიმდინარეობს. პედაგოგები მოსწავლეთა საგაკვეთილო პროცესში ჩართვის გაზრდისა და მოტივაციის ამაღლების მიზნით, საინტერესო დავალებებს სთავაზობენ.
ამჯერად, მე-3 კლასის მოსწავლეებმა, ბუნებისმეტყველების გაკვეთილზე, პედაგოგ ნანული არაბიძის ხელმძღვანელობით, კომპლექსური დავალების პრეზენტაცია თემაზე - „მზის სისტემა“ გამართეს.
როგორც სკოლაში გვიყვებიან, ისინი რამდენიმე კვირის განმავლობაში მუშაობდნენ აღნიშნულ დავალებაზე.
„მოსწავლეებმა სკოლაში წარმოადგინეს თავიანთი ხელით შექმნილი მოდელები, როლური თამაშით უპასუხეს დასმულ შეკითხვებს, კოსმოსში ამოგზაურეს იქ მყოფი დამსწრე პედაგოგები და მშობლები. ასევე გაასიტყვეს ყველა მოდელი“, - აღნიშნავენ სკოლაში.
ბავშვებმა ასევე ტელესკოპით დაათვალიერეს ვარსკვლავები და მოირგეს მათი დამზადებული სკაფანდარი. ასევე ისაუბრეს: პლანეტებზე, ვარსკვლავებზე, გალაქტიკაზე, მთვარეზე, ჩრდილზე, მზისა და მთვარის დაბნელებაზე.
მესამეკლასელებმა გაიხსენეს ზღაპარი „მზე ყველას ეყოფა“, მოთხრობა „ალექსანდრე მაკედონელი და ბუცეფალი“.
მათ ასევე აგრეთვე გამოიანგარიშეს დედამიწის რა ნაწილი უჭირავს წყალს და ხმელეთს, მზის გულში და მთვარეზე როგორი ტემპერატურაა. რა დროს ანდომებს მზის სხივი ჩვენამდე მოსაღწევად.
გაკვეთილის ბოლოს კი როგორც სკოლაში გვიყვებიან, მასწავლებელს დაუტოვეს გასასვლელი ბარათები, რათა მომავალ გაკვეთილზე უფრო მეტი გაიგონ მზის სისტემის შესახებ.
აღნიშნულ აქტივობებში მოსწავლეები დიდი მონდომებითა და ინტერესით მონაწილეობდნენ.
მსგავსი აქტივობები და დავალებები მოსწავლეთა მოტივაციის ამაღლებას ხელს უწყობს.
იხილეთ ფოტოები:
