ზერტის საჯარო სკოლაში იაკობ გოგებაშვილის 183-ე დაბადების დღეს საინტერესო ღონისძიება მიეძღვნა
გორის მუნიციპალიტეტის სოფელ ზერტის საჯარო სკოლაში იაკობ გოგებაშვილის 183-ე წლისთავი აღინიშნა.
სკოლის მე-4 კლასის მოსწავლეებმა დამრიგებლის - ნანა მიჩიტაშვილის ხელმძღვანელობით, ეს დღე საინტერესოდ აღნიშნეს.
მეოთხეკლასელებმა დიდი პედაგოგისა და „დედა ენის“ ავტორის - იაკობ გოგებაშვილის შესახებ ინფორმაციები მოიძიეს, მისი ცხოვრების, მოღვაწეობის შესახებ ისაუბრეს და ცოდნა აიმაღლეს. ბავშვებმა ასევე იაკობ გოგებაშვილის მოთხრობები წაიკითხეს, რომელთა მიხედვითაც სცენები გაითამაშეს.
როგორც სკოლაში გვიყვებიან, მათ ასევე დახატეს ის პერსონაჟები, რომლებიც ყველაზე მეტად მოეწონათ და შემოქმედებითი უნარები წარმოაჩინეს.
აღსანიშნავია, რომ მსგავსი აქტივობები მოსწავლეთა მოტივაციის ამაღლებას ხელს უწყობს.
იხილეთ ფოტოები: